Zgjatja e armëpushimit në Gaza, CNN: SHBA i dërgon Izraelit dhe Hamasit propozim të ri
Shtetet e Bashkuara kanë paraqitur një propozim të ri që do të siguronte lirimin e një grushti pengjesh të gjallë të mbajtur nga Hamasi në këmbim të një zgjatjeje njëmujore të armëpushimit Izrael-Hamas, tha një burim i CNN njohur me negociatat.
Numri i saktë i pengjeve të gjalla dhe të vdekur që do të lirohen nga Hamasi gjatë armëpushimit të zgjatur, si dhe numri i të burgosurve palestinezë që do të lirohen nga Izraeli, mbetën subjekt i negociatave, tha burimi.
Sipas propozimit të SHBA, i cili u prezantua këtë javë në Katar nga i dërguari i posaçëm amerikan Steve Witkoff, Izraeli gjithashtu do të heqë bllokadën e tij të ndihmës humanitare në Gaza, e cila ka vazhduar për gati dy javë.
Armëpushimi do të zgjasë deri në fund të Pashkëve, duke zgjatur pauzën e luftimeve dhe duke ripërtërirë hyrjen e ndihmave humanitare gjatë muajit të shenjtë mysliman të Ramazanit dhe festës së hebrenjve.
Kur u pyet për propozimin, një zëdhënës i Departamentit të Shtetit tha se ata nuk do të komentonin mbi negociatat në vazhdim.
I pyetur për koment mbi raportet për përparimin në negociata, Hamasi foli Zëdhënësi i Hamasit, Basem Naim tha: “Gjërat janë në një ndalesë”.
Propozimi i fundit i SHBA-së shënoi një reduktim nga propozimi i mëparshëm i numrit të pengjeve që do të liroheshin nga Hamasi gjatë së njëjtës periudhë kohore, duke shkaktuar shqetësim të shpejtë nga familjet e pengjeve.
