Trump: Përgjigje premtuese e Putinit për armëpushim
Presidenti i Shteteve të Bashkuara të Amerikës, Donald Trump, ka thënë se deklarata e presidentit rus, Vladimir Putin, për propozimin për armëpushim në Ukrainë “është premtuese, por jo e plotë”.
Para takimit me sekretarin e përgjithshëm të NATO-s, Mark Rutte, Trumpi ka thënë se do të donte të takonte presidentin rus për të siguruar armëpushimin.
“Me shpresë që Rusia do ta bëjë gjënë e duhur”, ka thënë ai.
Po ashtu, Trumpi ka thënë se “do të sigurohet” që Rusia të mos e sulmojë asnjë aleat të SHBA-së.
“Nuk do të ndodhë. Do të sigurohemi që s’do të ndodhë”, ka thënë ai.
Paraprakisht, presidenti rus, Vladimir Putin, ka deklaruar se “mbështet” një armëpushim 30-ditor me Ukrainën, por sipas tij, “ka gjëra që duhet të diskutohen”.
Trump ka deklaruar se NATO-ja po zgjerohet falë Ruttes.
“Ky njeri është njëri që vetëm të rrisë. Dhe ne kemi të njëjtën qëllim në mendje. Ne duam që lufta të përfundojë dhe ai po bën punën e tij. Ai di vetëm të bëjë një punë të mirë. Kjo është një gjë. Prandaj lufta që ai të merrte atë punë, sepse ata kishin disa kandidatë të tjerë që do t’ju them se nuk do të kishin një punë kaq të mirë”, ka deklaruar presidenti amerikan.
