(VIDEO) 200 palestinezë të liruar nga burgjet izraelite takohen me familjet e tyre
Shërbimi i burgjeve izraelite ka bërë të ditur se ka liruar 200 të burgosur palestinezë si pjesë e marrëveshjes së armëpushimit në Gaza, pasi Hamas liroi katër ushtare izraelite femra.
Më herët, Zyra e Mediave për të Burgosurit njoftoi se të liruarit përfshijnë 121 të burgosur me dënime të përjetshme dhe 79 me dënime të gjata.
Gjithashtu, 70 nga të burgosurit me dënime të përjetshme do të deportohen jashtë territoreve palestineze.
Sipas deklaratës, grupi i dytë i të liruarve përfshin 137 nga grupi i rezistencës palestineze Hamas, 26 nga grupi Fatah, 29 nga Xhihadi Islamik, tre nga Fronti Popullor për Çlirimin e Palestinës (PFLP) dhe një nga Fronti Demokratik për Çlirimin e Palestinës (DFLP), përveç katër të tjerëve pa lidhje me ndonjë parti.
Some of the freed Palestinian prisoners arrive in Ramallah, occupied West Bank where they will be reunited with their families pic.twitter.com/ImJnYTF8y6
— TRT World (@trtworld) January 25, 2025
Lista përfshin Mohammed al-Tous, i cili është i burgosuri palestinez me kohën më të gjatë në burgjet izraelite.
Al-Tous, nga qyteti i Betlehemit në Bregun Perëndimor, u arrestua në vitin 1985 dhe u dënua me burgim të përjetshëm nën akuzën për kryerje të sulmeve kundër objektivave izraelite.
Sipas një raporti të Agjencisë Anadolu, tre autobusë të Komitetit Ndërkombëtar të Kryqit të Kuq (ICRC) u larguan nga burgu Ofer pranë qytetit Ramallah në Bregun Perëndimor, me të burgosurit palestinezë të liruar në kuadër të marrëveshjes.
