U deklarua edhe Prokuroria për vrasjen në Bit Pazar
Prokurori publik kompetent nga Prokuroria Themelore Publike Shkup ka kryer ekspertizë në vendin e këmbim zjarrit të djeshëm afër Bit Pazarit, kumtuan sot nga Prokuroria Publike e Republikës së Maqedonisë së Veriut.
Nga vendi i ngjarjes janë mbledhur gjurmë të cilat do të jenë lëndë e ekspertizës. Ndaj trupit të të ndjerit do të realizohet autopsi.
Me urdhër të prokurorit publik, shtohet në kumtesë, po sigurohen xhirime nga video mbikëqyrja nga objektet e rrethinës. Po jepen të gjithë urdhrat dhe drejtimet e nevojshme për identifikim të të involvuarve dhe zbardhje të plotë të rastit.
Në të shtënat armë zjarri dje (25 prill) në rrugën “Vojdan Çernodrinski “në zonën e stacionit policor në Bit Pazar, ku një person e humbi jetën. Në vendngjarje u gjetën disa gëzhoja, ndërsa janë dëmtuar disa vitrina prej xhami nga një dyqan me pakicë si dhe disa automjete të parkuara, shpjegoi Ministria e Brendshme.
“Zyrtarët policorë nga Stacioni Policor i Bit Pazarit shkuan në vendngjarje dhe përcaktuan se bëhej fjalë për shkëmbim zjarri midis dy grupeve prej pesë deri në gjashtë personash, ku një person u plagos dhe u dërgua në Qendrën e Emergjencës në Kompleksin e Klinikave “Nëna Terezë”, informuan nga MPB.
