Të shtëna pranë Shtëpisë së Bardhë: Shërbimi Sekret vret sulmuesin, plagoset edhe një kalimtar
Një incident i rëndë sigurie është regjistruar pranë Shtëpia e Bardhë, ku një person është vrarë nga oficerët e Shërbimi Sekret i SHBA-së pasi hapi zjarr ndaj tyre pranë një pike kontrolli sigurie.
Sipas autoriteteve amerikane, ngjarja ndodhi pak para orës 18:00 me kohën lokale, kur i dyshuari iu afrua zonës së sigurisë dhe filloi të qëllonte me armë zjarri drejt oficerëve. Agjentët reaguan menjëherë duke kundërpërgjigjur me armë dhe neutralizuan sulmuesin, i cili më pas ndërroi jetë në spital.
Gjatë shkëmbimit të zjarrit, një kalimtar është plagosur rëndë dhe ndodhet në gjendje kritike, ndërsa autoritetet po hetojnë nëse është goditur nga sulmuesi apo nga plumbat e kundërpërgjigjes së forcave të sigurisë.
Në momentin e incidentit, presidenti amerikan Donald Trump ndodhej brenda rezidencës dhe nuk është prekur nga ngjarja, por është informuar menjëherë nga Shërbimi Sekret.
Autoritetet federale kanë nisur hetimet për të zbardhur motivet e sulmit, ndërsa zona përreth Shtëpisë së Bardhë u izolua për rreth 40 minuta pas të shtënave.
