SHBA-ja “kurrë nuk është interesuar për ndryshim regjimi” në Iran, thotë Trump
Presidenti i SHBA-së, Donald Trump, deklaroi se ai “kurrë nuk është interesuar për ndryshimin e regjimit” në Iran, duke shtuar se Shtetet e Bashkuara po merren me “njerëz shumë racionalë”.
Duke folur para gazetarëve në Francë, Trump tha:
“Unë kurrë nuk jam interesuar për ndryshimin e regjimit. Nuk ka qenë kurrë pjesë e planit, por mendoj se ju e dini më mirë se kushdo tjetër se si ndodhin ndryshimet e regjimeve.”
“Nuk besoj te ndryshimi i regjimit. I kam parë për vite me radhë ndryshimet e regjimeve dhe ato nuk funksionojnë kurrë,” u shpreh presidenti amerikan.
“Grupi i parë, të gjithë kanë vdekur. Grupi i dytë, gjithashtu ka vdekur. Një pjesë e grupit të tretë nuk është më, ndërsa tani po merremi me njerëz që mendoj se janë shumë racionalë,” tha ai.
“Mendoj se në fakt ata janë më të zgjuar se grupi i parë dhe i dytë, por nuk janë të radikalizuar dhe po përpiqen të ndihmojnë vendin e tyre,” shtoi Trump.
Ai komentoi edhe situatën në Liban, duke thënë se kryeministri izraelit Benjamin Netanyahu duhet të tregojë “më shumë përgjegjësi” në raport me këtë vend, ndërsa kritikoi intensitetin e sulmeve izraelite kundër Hezbollahut.
“Kam pasur një marrëdhënie të shkëlqyer me Bibin, por tani Bibi duhet të jetë më i përgjegjshëm sa i përket Libanit,” deklaroi Trump.
