Senatori amerikan, Murphy: Trump e ka humbur luftën me Iranin, Amerika po dobësohet
Senatori demokrat amerikan Chris Murphy tha të dielën se presidenti Donald Trump e ka “humbur këtë luftë” me Iranin, duke argumentuar se luftimet e vazhdueshme po dobësojnë SHBA-në ndërsa po forcojnë Teheranin, transmeton Anadolu.
“Amerika është më e dobët. Irani është më i fortë”, tha Murphy për NBC, duke thënë se ai do të mbështeste edhe një “marrëveshje të keqe” për t’i dhënë fund luftës dhe rihapjen e Ngushticës së Hormuzit.
Ai tha se kostoja e rihapjes së rrugës ujore strategjike po rritej pasi negociatat mbetën të ngecura.
Zyrtarët iranianë kanë kërkuar dëmshpërblime, heqjen e sanksioneve dhe ndalimin e operacioneve ushtarake amerikane, sipas “The Washington Times”.
“Lufta duhet të përfundojë sepse çdo ditë që lufta vazhdon, Amerika po dobësohet, Irani bëhet më i fortë dhe njerëzit këtu në SHBA pësojnë dëm ndërsa çmimet rriten”, tha Murphy.
Senatori theksoi se ai do të kundërshtojë financimin për të vazhduar luftën, por do të mbështesë rimbushjen e municioneve amerikane pas përfundimit të konfliktit.
