Robot humanoid kinez vrapon 100 metra për 8.64 sekonda, thyen rekordin e Usain Bolt

Një robot humanoid kinez ka vendosur një rekord të jashtëzakonshëm në garën e 100 metrave, duke e përfunduar distancën për vetëm 8.64 sekonda, më shpejt se rekordi botëror i njerëzve prej 9.58 sekondash, të cilin Usain Bolt e vendosi në vitin 2009.

Roboti Tiangong Ultra, i zhvilluar nga Qendra për Inovacion të Robotëve Humanoidë në Pekin, e arriti kohën rekord në finalen e Lojërave Botërore të Robotëve Humanoidë. Gjatë garës, roboti theu disa herë rekordin e vet, duke zbritur nga 9.39 në 8.86 sekonda, përpara se të arrinte kohën prej 8.64 sekondash.

Në garat e Pekinit morën pjesë mbi 2.000 robotë nga 666 ekipe. Ky rezultat konsiderohet një nga përparimet më të mëdha në zhvillimin e robotëve humanoidë, megjithëse ekspertët theksojnë se robotët ende kanë kufizime në drejtimin, ndalimin dhe marrjen e vendimeve në situata reale.