Përplasje të forta para Parlamentit, protestuesit qëllojnë me vezë makinat e deputetëve, policia arreston Dritan Goxhajn

Një situatë e tensionuar është regjistruar mesditën e së martës para Parlamentit. Automjeti i zëvendëskryeministres Albana Koçiu është goditur me vezë nga protestuesit.

Nga pamjet duket qartë se gjatë daljes së zv/kryeministres me makinë nga Parlamenti, protestuesit kanë hedhur vezë drejt makinës, ndërsa forcat e rendit po mbajnë shmangien e kontaktit fizik me automjetin.

Policia është në gatishmëri, ndërsa pritet dalja e deputetëve të tjerë që ndodhen brenda godinës. Protesta e sotme është shoqëruar me tensione dhe incidente të ndryshme gjatë gjithë ditës.

Ndërkohë, prej 31 ditësh Tirana është përfshirë nga protestat masive ku kërkohet dorëheqja e Ramës dhe e qeverisë së tij.