Netanyahu drejt fundit të pushtetit, rivali i tij merr mandatin për formimin e qeverisë së re në Izrael
Kryeministri izraelit, Benjamin Netanyahu, po përballet me rrezikun e humbjes së pushtetit, pasi rivali i tij kryesor, Gadi Eisenkot, pritet të marrë mandatin për formimin e qeverisë së re të Izraelit.
Presidenti izraelit, Isaac Herzog, pritet t’ia dorëzojë zyrtarisht mandatin Eisenkotit të dielën, pas konsultimeve dyditore me partitë e përfaqësuara në Knesset, Parlamentin e Izraelit.
Ish-shefi i ushtrisë izraelite dhe udhëheqësi i partisë së qendrës Yashar do të ketë deri në gjashtë javë kohë për të siguruar mbështetjen e nevojshme parlamentare dhe për të krijuar një koalicion qeverisës.
Eisenkot ka siguruar mbështetjen e 67 deputetëve, përfshirë 19 nga dy partitë arabe, ndërsa Netanyahu ka marrë vetëm 46 rekomandime. Pozita e kryeministrit është dobësuar edhe më shumë pasi partia ultraortodokse United Torah Judaism, aleate tradicionale e tij, nuk pranoi ta rekomandonte për formimin e qeverisë.
Megjithatë, marrja e mandatit nuk nënkupton automatikisht largimin e Netanyahut nga pushteti. Eisenkot duhet të sigurojë të paktën 61 vota në Parlament për ta kaluar formimin e qeverisë së re.
Una buona notizia per chi ha tra i 65 e gli 81 anni: arriva il prestito 10 e lode
Prestiti per pensionati
