Ministri i ri i Jashtëm gjerman udhëton drejt Izraelit për “bisedime kritike”
Ministri i ri i Jashtëm i Gjermanisë, Johann Wadephul, është nisur drejt Izraelit për një udhëtim në Lindjen e Mesme, gjatë të cilit priten “bisedime kritike”, siç deklaroi ai para nisjes nga Berlini.
“Në të dyja demokracitë tona, diskutimet kritike mbi politikat e qeverive tona dhe të vendeve mike janë pjesë e këtij procesi,” tha Wadephul.
“Do të pyes për objektivin strategjik të luftës, e cila është intensifikuar sërish që nga marsi,” shtoi ai.
Sipas një zëdhënësi të Ministrisë së Jashtme gjermane, Wadephul do të takohet me Ministrin e Jashtëm izraelit, Gideon Saar, dhe me Kryeministrin Benjamin Netanyahu. /TRT World/
