Milani e do me çdo kusht Xhakën, përgatitin ofertën e dytë në drejtim të Leverkusenit
Sulmi i shpejtë i Igli Tares në Dusseldorf, i zhvilluar saktësisht një javë më parë, shërbeu për të siguruar marrëveshjen me Granit Xhakën. Ditët e fundit janë përcaktuar edhe detajet e fundit të kontratës.
Milani mori miratimin e kapitenit të Zvicrës për një kontratë trevjeçare, me një pagë rreth 4 milionë euro në sezon. Një hap i parë i rëndësishëm përpara sfidës më të madhe: bindja e Bayer Leverkusenit.
Klubi gjerman nuk ka ndërmend të heqë dorë lehtë nga një nga lojtarët më të rëndësishëm të skuadrës. Megjithatë, bisedimet mes palëve janë duke vazhduar.
