Mbi 1.1 milion euro garanci, Përparim Bajrami del nga paraburgimi!
Gjykata Themelore në Shkup ka pranuar garancinë e ofruar nga Përparim Bajrami për ndërprerjen e masës së paraburgimit. Sipas njoftimit të gjykatës, garancia që ka ofruar Bajrami arrin mbi 1,1 milion euro. Ndaj Bajramit janë caktuar masa kujdesi si obligimi me paraqitja dhe ndalesa për të lëshuar vendbanimin, i është konfiskuar pasaporta dhe nuk mund të nxjerrë dokument të ri udhëtimi. Bajrami në rastin “Lotaria” udhëhiqet si i akuzuari i parë.
