Kryeparlamentari Gashi i ndan mirënjohje administratës së Kuvendit
Kryetari i Kuvendit, Afrim Gashi i ka ndarë mirënjohje administratës së Kuvendit për organizimin me sukses të mbledhjes vjetore të Komitetit të Përhershëm të Asamblesë Parlamentare të NATO-s.
Njoftimi i Gashit:
Organizimi i mbledhjes vjetore të Komitetit të Përhershëm të Asamblesë Parlamentare të NATO-s ishte një shembull që dëshmoi profesionalizmin dhe përkushtimin e administratës së Kuvendit. Pas kësaj ngjarje të suksesshme, e cila forcoi bashkëpunimin me partnerët tanë ndërkombëtarë, kisha kënaqësinë që bashkë me Dragan Kovaçki, si shef i Delegacionit të Kuvendit në AP të NATO-s, të ndaj mirënjohje për të punësuarit që e bënë të mundur këtë organizim dinjitoz. Faleminderit që e ngritët lart emrin e Kuvendit të Maqedonisë së Veriut!
