Kryeministri francez: Do ta respektojmë vendimin e GJNP-së për arrestimin e Netanyahut
Kryeministri francez Michel Barnier tha sot se Franca do të përmbushë detyrimet e saj ligjore sipas ligjit ndërkombëtar në lidhje me urdhërarrestin e Gjykatës Ndërkombëtare Penale (GJNP) për kryeministrin izraelit Benjamin Netanyahu, transmeton Anadolu.
Barnier foli për vendimin e GJNP-së dhe sulmet e Izraelit kundër Libanit në Asamblenë Kombëtare, ku ai ripohoi angazhimin e Francës për pavarësinë e GJNP-së dhe theksoi se gjykata funksionon në mënyrë autonome.
“Franca, si gjithmonë, do t’u përmbahet detyrimeve të saj ligjore ndërkombëtare në këtë çështje, ashtu si në të tjerat”, tha ai.
Ai përsëriti përpjekjet diplomatike të Francës për të ndalur luftën në Lindjen e Mesme, duke theksuar: “Diplomacia franceze do të vazhdojë të punojë për të ndaluar këtë luftë në Lindjen e Mesme”.
GJNP-ja lëshoi urdhra arresti më 21 nëntor për Netanyahun dhe ish-shefin e mbrojtjes Yoav Gallant, duke i akuzuar ata për krime lufte dhe krime kundër njerëzimit në Rripin e Gazës.
