Grupi i Hagës do të mbajë takim ministror urgjent në Kolumbi për gjenocidin në Gaza

Grupi i Hagës, i bashkëkryesuar nga Kolumbia dhe Afrika e Jugut, do të mbajë një takim ministror urgjent në kryeqytetin kolumbian Bogota më 15-16 korrik për të trajtuar shkeljet e ligjit ndërkombëtar nga Izraeli në Palestinë, sipas një deklarate zyrtare.

“Takimi urgjent është thirrur si përgjigje ndaj shkeljeve të vazhdueshme dhe në përshkallëzim të ligjit ndërkombëtar nga Izraeli në Territoret e Pushtuara Palestineze, përfshirë krimin e gjenocidit, dhe do të fokusohet në masa të koordinuara ligjore dhe diplomatike për t’i dhënë fund atyre,” thuhet në deklaratën e përbashkët të ministrive të jashtme të Kolumbisë dhe Afrikës së Jugut.