Francë, hetohen ndërhyrje të huaja kundër kandidatëve pro Palestinës

Prokurorët francezë kanë hapur një hetim mbi ndërhyrje të mundshme të huaj që ka pasur në shënjestër kandidatë të partisë së majtë “La France Insoumise” (LFI) ndërsa mediat raportuan sot se operacioni i dyshuar është përqendruar te politikanë që kanë shprehur qëndrimet e tyre për Gazën dhe çështjen palestineze.

Zyra e Prokurorisë së Parisit njoftoi se hetimi është hapur “me iniciativën e vet” për të përcaktuar nëse fushatat e disa kandidatëve të LFI-së mund të kenë qenë objekt i një operacioni të kryer “në interes të një shteti të tretë”.

Autoritetet thanë se hetimi është nisur pa një ankesë paraprake apo referim zyrtar.

Lideri i LFI-së, Jean-Luc Melenchon deklaroi në rrjetet sociale se tri figura të partisë janë prekur: Sebastien Delogu, François Piquemal dhe David Guiraud.