OKB mirëpret fillimin e procesit të çarmatimit të grupit terrorist PKK

Organizata e Kombeve të Bashkuara ka mirëpritur fillimin e procesit të çarmatimit të grupit terrorist PKK.

“Mund t’ju them se e mirëpresim shumë operacionalizimin e marrëveshjes, të paktën hapin e parë të këtij procesi,” deklaroi zëdhënësi i OKB-së, Stephane Dujarric, gjatë një konference për shtyp.

Deklarata e tij vjen pasi një grup terroristësh të PKK-së të premten dorëzuan dhe shkatërruan armët e tyre në provincën Sulejmanije të Irakut verior.

Grupi i terroristëve të PKK-së u mblodh në një shpellë brenda kufijve të nëndarjes administrative Surdas të Sulejmanijes, dolën me armët e tyre dhe më pas u drejtuan në një vend të përgatitur për procesin e çarmatimit.

“Shpresojmë që ky hap të inkurajojë hapa të mëtejshëm drejt një paqeje të qëndrueshme në rajon,” shtoi Dujarric, duke theksuar gatishmërinë e OKB-së “për ta mbështetur këtë proces në çdo mënyrë që të mundemi, nëse na kërkohet.”