Bekim Sali: Përkrahje për të rinjtë dhe mendimin kritik!
Deputeti i VLEN-it, Bekim Sali si pjesmarrës në një projekt me nxënës të shkollave, ka thënë se ky projekt ofron përmirësimin e mendimit kritik te të rinjtë dhe aftësive të komunikimit.
Statusi i plotë i deputetit Sali në Facebook:
Përkrahje për të rinjtë dhe mendimin kritik!
Sot pata kënaqësinë të marr pjesë në finalen e projektit edukativ debatues “Kam qëndrim”. Nxënësit nga shkolla të ndryshme u përballën me tema të rëndësishme si lajmet e rreme, emigrimi i të rinjve dhe papunësia rinore, duke treguar aftësi të shkëlqyera argumentuese dhe kreative.
Ky projekt u ofron të rinjve një mundësi unike për të përmirësuar mendimin kritik, aftësitë komunikuese dhe njohuritë mbi proceset demokratike, duke i nxitur ata të bëhen qytetarë aktivë dhe liderë të ardhshëm.
