Ikja e Grubit! Merret në pyetje biznesmeni Arsim Papraniku
Biznesmeni, Arsim Papraniku, gjatë ditës së sotme është thirrur në një intervistë informative në stacionin policor të Karposhit për të shpjeguar pse dhe si e ka transferuar Artan Grubin në Kosovë gjatë ditës së shtunë.
Ministria e Brendshme ende nuk ka bërë të ditur nëse do të merret ndonjë masë ndaj tij. Pretendohet se Papraniku, i cili është bashkëpronar i një qendre tregtare në Shkup dhe pronar i një rrjeti dyqanesh të mallrave në Kosovë, Maqedoni dhe Shqipëri, e ka transportuar Grubin me automjetin e tij diplomatik, edhe pse ai tashmë ishte në Listën e ndalimit të MPB-së.
