Mexhiti: Ligji i “branitellave” nuk kalon, qeveria është stabile!

Zv/kryeministri Izet Mexhiti në konferencë për media, tha se për ligjin e “branitellave” çështja është se si LSDM e cila për tetë vite ka promovuar konceptin qytetar, brenda natës ka propozuar ligj për “branitellat”. Dilema, tha Mexhiti, është nëse atëherë kanë qenë të sinqertë apo tani. Mexhiti tha se këtë LSDM e ka bërë në bashkëpunim me BDI-në.
Mexhiti tha se ligji nuk do të kalojë dhe se qeveria aktuale, historikisht ka shumicë stabile, dhe ka kapacitete demokratike për të zgjidhur brenda vetes problemet.
“Qeveria aktuale ka stabilitet, është afër 2/3 numrave dhe ka kapacitetet demokratik që të zgjidh dilemat”, deklaroi Mexhiti.