Nxënësit në pushim pranveror nga e hëna, mësimi do të rifillojë më 7 maj
Nxënësit e shkollave fillore dhe të mesme do të jenë në pushim pranveror nga e hëna, 29 prill, deri më 6 maj 2024, i cili u prezantua për herë të parë këtë vit shkollor.
Për herë të parë ka një ndryshim në kalendarin mësimor, në mënyrë që viti 2023/2024 të përfundojë më 17 qershor për nxënësit e shkollave fillore, ndërsa për gjimnazistët, si vitet e kaluara, më 10 qershor.
Shkollat nuk do të jenë të hapura më 8 maj (e mërkurë) kur do të mbahet raundi i dytë i Zgjedhjeve Presidenciale dhe Parlamentare 2024.
Një ditë më parë, e martë 7 maj, ato shkolla ku do të organizohet votimi do të kenë orar të reduktuar dhe orë pune deri në orën 11:00.
Siç informojnë nga Ministria e Arsimit dhe Shkencës, mësimi i dy ditëve jo pune për shkak të zgjedhjeve do të bëhet në ditë pune me qëndrim më të gjatë të nxënësve nëpër shkolla për të realizuar orë shtesë.
Nxënësit e Shkupit duhet të kompensojnë edhe mësimet e munguara më 30 nëntor 2023, kur u organizua Këshilli i Ministrave të OSBE-së.
Për planifikimin dhe organizimin e orëve shtesë, Ministria e Arsimit ka ngarkuar drejtorët e shkollave.
– Shtimi i orëve mësimore të parealizuara do të planifikohet dhe organizohet nga drejtorët e shkollave dhe do të realizohet me qëndrim më të gjatë të nxënësve në ditët e javës së punës, në kuadër të orarit gjashtëorësh të punës së mësuesve. Ministria e Arsimit u tërhoq nga ideja për ditë shtesë pune gjatë të shtuneve pas reagimeve nga publiku dhe nga sindikatat.
