Fillon raundi i parë i zgjedhjeve presidenciale, në garë 7 kandidatë
Janë këto zgjedhjet e shtatat presidenciale që nga pavarësia e Maqedonisë së Veriut. Mbi 1.8 milionë qytetarë kanë mundësinë të ushtrojnë të drejtën e tyre të votës.
Në këto zgjedhje presidenciale garojnë 7 kandidatë për të parin e shtetit, mes tyre edhe dy shqiptarë, Arben Taravari nga koalicioni opozitar shqiptar VLEN, dhe Bujar Osmani nga BDI-ja apo koalicioni i quajtur “Fronti Europian”.
Kutitë e votimit janë hapur në orën 7:00 ndërsa do të mbyllen në orën 19:00.
