Deputetët e bashkuar rikthyen reklamimin shtetëror në media, të shfuqizuar në 2017
Deputetët si nga pushteti ashtu edhe nga opozita mbështetën rikthimin e reklamës shtetërore në media, e cila u hoq në vitin 2017 me iniciativën e LSDM-së si model për ryshfet të prezantuar nga ish-kryeministri Nikolla Gruevski.
Në arsyetimin e Qeverisë thuhet se qëllimi i ndryshimeve në Ligjin për Shërbimet Mediatike Audio dhe Audiovizive është që të “sigurojnë një servis transmetues publik transparent, të pavarur, efikas dhe të përgjegjshëm dhe një organ rregullator transparent, të pavarur, efikas dhe të përgjegjshëm në fushën e shërbimeve mediatike audio dhe audiovizuele”.
Sipas shoqatave mediatike, kjo përfaqëson një rikthim në praktikat klienteliste dhe korruptive të së shkuarës.
Me këto ndryshime ligjore, Qeveria mund të zhvillojë të paktën një fushatë shtetërore në nivel shtetëror gjatë një viti, duke përjashtuar temat që kanë të bëjnë me veprimtari politike dhe diplomatike, tema që promovojnë shërbimet apo politikat e organeve të pushtetit shtetëror apo lokal, dhe temat që kanë të bëjnë me aktivitetet partiake.
Shoqata e gazetarëve dhe organizatat e shoqërisë civile nga sektori i mediave tani presin përgjigjen e presidentit Stevo Pendarovski nëse do të nënshkruajë dekretin për shpalljen e ligjit apo do ta rikthejë në procedurë të rregullt parlamentare.
