Sali në Samitin e nëntë të Komunitetit Politik Evropian në Dablin: Prioriteti ynë është afrimi me BE-në
Zëvendëskryeministri i parë dhe ministri për Çështje Evropiane, Bekim Sali, po merr pjesë në Samitin e nëntë të Komunitetit Politik Evropian, që po mbahet në Dublin të Irlandës, si pjesë e delegacionit të Maqedonisë së Veriut, të kryesuar nga presidentja Gordana Siljanovska-Davkova.
Në delegacionin shtetëror është edhe ministri i Punëve të Jashtme dhe Tregtisë së Jashtme, Timço Mucunski.
Sali tha se në një samit ku siguria, konkurrueshmëria dhe ndërlidhja janë në qendër të agjendës, prioritet mbetet afrimi i vendit me Bashkimin Evropian.
“Prioriteti ynë është ta afrojmë Maqedoninë e Veriut me Bashkimin Evropian”, theksoi Sali.
Ai shtoi se çdo hap në zbatimin e reformave duhet ta afrojë vendin drejt anëtarësimit dhe t’u krijojë qytetarëve e bizneseve mundësi konkrete, përfshirë qasjen graduale në tregun e përbashkët evropian.
