Pse Fatmir Limani nuk guxon të bëjë thirrje hapur, me emër dhe mbiemër, për Arkin Jahijin në zgjedhjet në Bërvenicë?
Fatmir Limani flet për aleancë të partive shqiptare opozitare dhe bashkim për një fitore të radhës, por në thirrjen e tij publike mungon një emër konkret: Arkin Jahiji, kandidati shqiptar në zgjedhjet në Bërvenicë.
Në një status të publikuar së fundmi, Limani bën thirrje për bashkim nën një bajrak të përbashkët dhe për pjesëmarrje në fitoren e radhës, duke kritikuar kushtëzimet që, sipas tij, pengojnë bashkimin. Megjithatë, ai nuk e përmend drejtpërdrejt Jahijin dhe nuk shpreh publikisht mbështetje për kandidaturën e tij në garën përballë kandidatit të VMRO-DPMNE-së.
Kjo deklaratë ngre pikëpyetje mbi mënyrën se si Limani e koncepton aleancën e partive shqiptare opozitare. Nëse synimi është krijimi i një fronti të përbashkët, pse kjo thirrje nuk shoqërohet me një qëndrim konkret për zgjedhjet në Bërvenicë?
Në vend të një mbështetjeje të drejtpërdrejtë për kandidatin shqiptar, Limani zgjedh formulime të përgjithshme për bashkim, bajrak dhe fitore, pa përmendur emrin e Arkin Jahijit.
Pyetja që mbetet është nëse thirrja për aleancë shqiptare do të shoqërohet edhe me mbështetje publike për kandidatin shqiptar në Bërvenicë.
