Numri i palestinezëve të vrarë në Gaza rritet në shtatë pas raportimeve për sulme të tjera vdekjeprurëse
Numri i palestinezëve të vrarë sot nga bombardimet izraelite në zona të ndryshme të Gazës është rritur në shtatë, sipas agjencisë palestineze të lajmeve Wafa.
Më herët, raportuam se pesë persona ishin vrarë nga sulmet në Gaza: dy në qytetin Khan Younis dhe tre të tjerë nga sulmet në afërsi të kampusit të Universitetit Islamik, në veri të qytetit të Gazës.
Tani, Wafa njofton se numri i viktimave është rritur në shtatë, pasi raporton për dy persona të tjerë të vrarë dhe disa të tjerë të “plagosur rëndë” pas një sulmi me dron në zonën al-Mazraa, në lindje të Deir el-Balahut, në pjesën qendrore të Rripit të Gazës.
Ndërkohë, në veri të Gazës, një palestinez raportohet se është qëlluar me armë në këmbë nga forcat izraelite në zonën al-Faluja.
