Agjendë e ngjeshur sot në Kuvend: Do të mbajnë seanca shtatë komisione

Disa komisione parlamentare do të mbajnë sot seanca, në të cilat do të shqyrtohen propozime dhe materiale nga fusha të ndryshme.

Në rend të ditës, me fillim në orën 10:00, janë Komisioni për Arsim, Shkencë dhe Sport dhe Komisioni për Sistem Politik dhe Marrëdhënie Ndërmjet Bashkësive.

Nga ora 11:00 janë caktuar seancat e Komisionit për Politikë Sociale, Demografi dhe të Rinj dhe të Komisionit për Mbrojtje dhe Siguri.

Gjysmë ore më vonë, në orën 11:30, do të mbajnë seanca Komisioni për Kulturë dhe Turizëm dhe Komisioni për Transport, Transformim Digjital, Mjedis Jetësor dhe Planifikim Hapësinor.

Në agjendën e sotme parlamentare është edhe seanca e Komisionit Juridiko-Ligjvënës.

Komisionet do të shqyrtojnë propozimet dhe materialet që janë në kompetencën e tyre, në përputhje me rendet e ditës të përcaktuara.