Këtë fundjavë në Shkup do të kryhet spërkatje ajrore kundër mushkonjave
Qyteti i Shkupit njoftoi se më 19.9.2026 (e shtunë) dhe më 20.9.2026 (e diel), në orët e hershme të mëngjesit, do të kryhet dezinfektimi ajror kundër mushkonjave në territorin e qytetit.
Nëse kushtet atmosferike nuk lejojnë kryerjen e dezinfektimit, spërkatja do të realizohet ditën e parë pasuese kur kushtet e motit të jenë të përshtatshme, në të njëjtin orar.
Qyteti i Shkupit u bën apel bletarëve që me kohë të ndërmarrin masat e nevojshme për mbrojtjen e bletëve.
