Përmbytje katastrofike në Nepal dhe Tibet, rreth 1,500 persona rezultojnë të zhdukur
Një përmbytje katastrofike e shkaktuar nga shembja e një mase akulli dhe shkëmbinjsh në Himalaje ka goditur rëndë Nepalin dhe Tibetin e Kinës, duke shkaktuar dhjetëra viktima dhe duke lënë rreth 1,500 persona të zhdukur, mes tyre më shumë se 700 shtetas të huaj.
Autoritetet në Nepal kanë raportuar 826 persona të zhdukur, ndërsa në qarkun Gyirong të Tibetit janë raportuar edhe 558 të zhdukur. Numri i viktimave pritet të rritet, ndërsa ekipet e shpëtimit vazhdojnë kërkimet në zonat e prekura.
Mbi 5,000 pjesëtarë të ushtrisë dhe policisë janë angazhuar në operacionet e kërkim-shpëtimit. Helikopterët po dërgojnë ushqime, tenda dhe furnizime emergjente në zonat e izoluara, ndërsa deri tani janë shpëtuar 125 persona, përfshirë 20 të huaj.
Përmbytjet kanë shkatërruar shtëpi, rrugë, ura dhe infrastruktura energjetike. Autoritetet po monitorojnë gjithashtu një liqen të bllokuar në pjesën e sipërme të zonës, pasi reshjet e mëtejshme mund të shkaktojnë përmbytje të reja dhe të vështirësojnë operacionet e shpëtimit
