Indonezi, 5 të vdekur nga rrëshqitja e dheut në një minierë ilegale të arit
Të paktën 5 minatorë humbën jetën pasi një rrëshqitje dheu goditi një vend të minierave të paligjshme të arit në provincën Gorontalo të Indonezisë, njoftuan sot mediat lokale, duke cituar policinë, transmeton Anadolu.
Minatorët po punonin në fshatin Hulawa, Pohuwato Regency, të mërkurën pasdite kur dheu nga një shpat aty pranë u shemb papritmas, duke i varrosur nën rrënoja, raportoi “Jakarta Globe”.
Zëdhënësi i policisë, Gorontalo Marupa Sagala tha se pesë viktimat ishin banorë të Boalemo Regency fqinje. Trupat e tyre u gjetën dhe iu dorëzuan familjeve të tyre.
Ekipet e shpëtimit vazhduan sot kërkimin për viktima të tjera të mundshme që mund të mbeten të bllokuar nën rrënojat.
Sipas informacioneve paraprake, një person është shpëtuar i gjallë.
