VLEN: Mëkatet e BDI-së kur ishte në pushtet po e pezullojnë drejtësinë personale edhe sot!
Edhe një “arritje” e BDI-së, një tjetër aktgjykim lirues për Nikolla Gruevskin. Edhe një konfirmim se ndryshimet në Kodin Penal të vitit 2023 u shndërruan në model për shmangien e përgjegjësisë penale. Nuk ishte rastësi që VLEN e pyeti Bujar Osmanin nëse dhe pse ishte takuar me Gruevskin në Budapest. Lidhja e përhershme mes Ahmetit dhe Gruevskit janë mëkatet e tyre të përbashkëta.
Populli shqiptar, edhe dy vjet pasi BDI kaloi në opozitë, ende po i paguan faturat e qeverisjes së saj të korruptuar. Ahmeti, Bujari, Artani, Gruevski dhe Mijallkovi janë simbol i kohës së “Allo naçallniçe”, kur shqiptarët përdoreshin si mish për top në pazaret më të errëta politike.
BDI duhet t’i kërkojë falje popullit shqiptar për veprimet e saj të dëmshme në të kaluarën. Deri atëherë, nuk ka të drejtë të flasë për vlera evropiane dhe drejtësi në vend.
