Gripi po merr vrull – vendosni maska në autobus ose kur shkoni te mjeku!
Gripi dhe infeksionet virale po marrin vrull në janar të këtij viti. Në një javë Instituti i Shëndetit Publik regjistroi 1675 raste të reja me grip dhe që nga fillimi i sezonit numri ka arritur në 5175 persona. Sipas analizave të infektologëve, këto shifra, të cilat pasqyrojnë javën e tretë të vitit dhe mënyrën se si qarkulloi virusi i gripit sezonal, tregojnë njëkohësisht një rritje prej 41,7% më shumë krahasuar me javën e kaluar. Shumica e personave të infektuar janë më të moshuar. Këtë sezon, në Maqedoni, gjashtë persona kanë vdekur nga gripi sezonal. Javë ishte fatale edhe për pacientin 45-vjeçar nga Negotina, i cili humbi betejën me gripin në Klinikën Infektive.
“Tek personi nga Negotina i cili është shtruar, përveç virusit të gripit, mjekët kanë konstatuar praninë e sëmundjeve shoqëruese (kardiovaskulare, pulmonare, diabeti, obeziteti), i cili nuk është vaksinuar me vaksinën e gripit sezonal. Te personi i ndjerë është konfirmuar laboratorikisht gripi A(H1)pdm09 – informojnë nga ISHP dhe shtojnë se gjatë sezonit të gripit të deritanishëm kanë vdekur 6 persona , dy nga Shkupi dhe nga një person nga Kumanova, Negotina, Gostivari dhe Shtipi, tre nga grupmosha mbi 65 vjeç dhe nga grupmosha 15-64 vjeç, të gjithë të shtruar në spital, me sëmundje shoqëruese dhe të pa vaksinuar kundër gripit sezonal.
Nga data 14 deri më 21 janar janë me grip janë infektuar 1012 persona të moshës 15-64 vjeç, 256 fëmijë nga 5 deri në 14 vjeç, 237 fëmijë nga 0 deri në 4 vjeç dhe 170 persona mbi 65 vjeç. Incidenca më e lartë është regjistruar tek fëmijët e moshës 0 deri në 4 vjeç.
Pjesa më e madhe e të infektuarve me grip janë të vendosur në Shkup apo 295 të sëmurë, e ndjekur menjëherë nga Manastiri me 287 të infektuar me grip, Tetova 165, Gostivari 149, Dibra 110 dhe Kumanova 104 të infektuar me grip.
Sipas zëdhënësit të Komisionit për Sëmundje Infektive Zllate Mehmedoviç situata në vend me gripin sezonal është e pritshme, dhe nuk është shqetësuese. Rritja e aktivitetit të virusit dhe kulmi priten në fund të shkurtit dhe fillim të marsit, por nuk pritet të ketë epidemi gripi.
