15-vjeçarja nga Shkupi tentoi të vetëvritet për shkak të dhunës nga babai

Një vajzë 15-vjeçare nga Shkupi ka tentuar të kryejë vetëvrasje pasi babai i saj për një periudhë të gjatë kohore e ka keqtrajtuar psiqikisht dhe fizikisht atë, motrën e saj 18-vjeçare dhe nënën e tyre.

​Prokuroria Themelore Publike në Shkup ka iniciuar procedurë kundër babait 56-vjeçar për veprën penale “Rrezikim i sigurisë” nga neni 144 paragrafi 3 lidhur me paragrafin 2 dhe paragrafin 1 të Kodit Penal.
​”I dyshuari për një periudhë të gjatë kohore ka keqtrajtuar psiqikisht dhe fizikisht bashkëshorten e tij dhe dy fëmijët e tyre të moshës 18 and 15 vjeçare. Edhe pse ai vazhdimisht ka shfaqur sjellje agresive, anëtarët e familjes nuk e kanë denoncuar nga frika, derisa vajza 15-vjeçare, duke mos u bërë ballë dot kërcënimeve, ofendimeve dhe presionit nga babai, ka tentuar t’i japë fund jetës”, njoftoi Prokuroria.