Starmer: Marrëveshja me Iranin duhet të garantojë liri të plotë lundrimi në Hormuz
Keir Starmer ka deklaruar se çdo marrëveshje e mundshme për t’i dhënë fund tensioneve me Iranin duhet të përfshijë garantimin e “lirisë së pakufizuar të lundrimit” në Ngushticën e Hormuzit.
Sipas tij, rihapja e kësaj rruge ujore strategjike është thelbësore për stabilitetin ndërkombëtar dhe për sigurinë e tregtisë globale, duke theksuar se progresi drejt një marrëveshjeje duhet të mirëpritet.
Starmer shtoi se është jetike që Iranit të mos i lejohet kurrë zhvillimi i armëve bërthamore, duke e konsideruar këtë një vijë të kuqe për komunitetin ndërkombëtar.
Deklarata e tij vjen në një kohë kur SHBA dhe aleatët europianë po shtojnë përpjekjet diplomatike për të ulur tensionet me Iran dhe për të siguruar rihapjen e Ngushticës së Hormuzit, një nga pikat më të rëndësishme detare për transportin global të naftës.
