Bekim Sali takon Valentina Superti, në fokus integrimi evropian i vendit
Zëvendëskryeministri i parë dhe ministri për Çështje Evropiane, Bekim Sali, ka zhvilluar një takim me drejtoreshën për Ballkanin Perëndimor në DG ENEST, Valentina Superti, ku në fokus ishte avancimi i procesit të integrimit evropian të North Macedonia dhe realizimi i prioriteteve reformuese të Qeverisë.
Sali theksoi përkushtimin e fuqishëm të ekzekutivit për zbatimin e Agjendës Reformuese dhe Planit të Rritjes për Ballkanin Perëndimor, duke nënvizuar progresin në fushat kyçe, si sundimi i së drejtës, reformat në administratën publike dhe harmonizimi me standardet evropiane.
“Në takim biseduam edhe për Udhërrëfyesit për Sundimin e së Drejtës dhe Reformat në Administratën Publike, të cilët tashmë janë dorëzuar në Komisionin Evropian për mendim, si benchmarke të rëndësishme në kuadër të procesit negociues dhe kapitujve fundamentals”, deklaroi Sali.
Ai shprehu mirënjohje për mbështetjen e vazhdueshme të Komisionit Evropian dhe partnerëve evropianë në rrugën e vendit drejt anëtarësimit të plotë në Bashkimin Evropian.
“Mbetemi të fokusuar në realizimin e reformave konkrete që sjellin rezultate të prekshme për qytetarët tanë dhe e afrojnë vendin tonë edhe më shumë me familjen evropiane”, theksoi zëvendëskryeministri i parë dhe ministri për Çështje Evropiane, Bekim Sali.
