Mbi 1 mijë pasagjerë bllokohen në anije turistike në Francë pas shpërthimit të gastroenteritit

Më shumë se 1,000 pasagjerë po mbahen në një anije turistike të operuar nga Mbretëria e Bashkuar në Francë, pasi 49 persona u sëmurën me gastroenterit.

Autoritetet lokale në Bordeaux kanë thënë se tre pasagjerë janë izoluar në kabinat e tyre në “Ambition”, ndërsa pasagjerët e tjerë nuk do të jenë në gjendje të zbresin në port.

Ata kanë shtuar se nuk kishte “asnjë arsye” për ta lidhur rastin me shpërthimin e hantavirusit në një anije tjetër turistike.

Kompania “Ambassador Cruise Line” i ka thënë BBC-së në një deklaratë se protokollet e përmirësuara të higjienës dhe parandalimit ishin zbatuar në të gjithë anijen “në përputhje me procedurat e përcaktuara të shëndetit publik pas raporteve fillestare të sëmundjes”.
Sipas saj, që nga paraditja e së mërkurës, 48 pasagjerë kanë shfaqur simptoma në përputhje me sëmundje gastrointestinale, si dhe një anëtar i ekuipazhit.

Anija turistike është nisur nga Belfasti më 8 maj, përpara se të nisej për në Liverpool të nesërmen.