Saliu: Kërkohet rritje e efikasitetit në luftën kundër dhunës në familje
Deputetja e VLEN-it, Imerlije Saliu, ka marrë pjesë në një mbikëqyrje parlamentare me fokus zbatimin e ligjeve dhe politikave për parandalimin dhe mbrojtjen nga dhuna në familje.
Ajo theksoi rëndësinë e koordinimit institucional dhe përmirësimit të efikasitetit të institucioneve në trajtimin e këtij fenomeni, duke vënë në pah nevojën për masa më të koordinuara dhe funksionale.
“Mbikëqyrje parlamentare me temë: ‘Zbatimi i ligjeve, politikave dhe masave institucionale për parandalimin dhe mbrojtjen nga dhuna në familje, nga aspekti i mundësive të barabarta, koordinimit institucional, sfidave dhe mundësive për përmirësimin e efikasitetit të veprimit të organeve të pushtetit ekzekutiv’”, deklaroi Saliu.
