Reuters: SHBA-ja pajtohet për lirimin e aseteve të ngrira të Iranit
Shtetete e Bashkuara të Amerikës kanë rënë dakord të lirojnë asetet e ngrira të Iranit të mbajtura në Katar, tha një burim i lartë iranian për Reuters.
Agjencia e lajmeve raporton se Teherani e sheh këtë veprim si një shenjë serioziteti në lidhje me një marrëveshje paqeje të qëndrueshme, përpara bisedimeve të paqes në Pakistan.
Burimi, i cili nuk pranoi të identifikohej për shkak të ndjeshmërisë së çështjes, i tha gjithashtu Reutersit se zhbllokimi i aseteve është “i lidhur drejtpërdrejt me sigurimin e kalimit të sigurt përmes Ngushticës së Hormuzit”.
