Ministri i Jashtëm i Azerbajxhanit: Nuk do të lejojmë sulme ndaj Iranit nga territori ynë
Ministri i Punëve të Jashtme të Azerbajxhanit, Jeyhun Bayramov, deklaroi se gjatë një bisede telefonike të zhvilluar sot me homologun e tij iranian, Abbas Araghchi, ka ritheksuar qëndrimin e vendit të tij se Azerbajxhani nuk do të lejojë që nga territori i tij të kryhen sulme kundër Iranit.
Azerbajxhani është fqinj gjeografik i Iranit.
Komentet e tij vijnë në një kohë kur Irani ka paralajmëruar se do t’i trajtojë si armiqësore vendet që lejojnë sulme ndaj tij nga territori i tyre, nëse kërcënimet e përsëritura nga Trump dhe Izraeli materializohen.
