Kremlini: Rusia në kontakt me SHBA-në, presim rezultatet nga diskutimet me Kievin
Rusia është në kontakt të vazhdueshëm me zyrtarët amerikanë, duke pritur rezultatet e diskutimeve të planit të paqes të SHBA-së me Ukrainën, u tha gazetarëve zëdhënësi i Kremlinit, Dmitry Peskov.
I pyetur nëse Rusia dhe SHBA-të kishin komunikuar pas takimit të udhëheqësit rus Vladimir Putin me të dërguarit e SHBA-së Steve Witkoff dhe Jared Kushner, ai tha: “[Komunikimi] është duke vazhduar, por nuk lidhet me këto diskutime. Diskutimet tani përfshijnë [SHBA-në dhe] Kievin.”
“Ne jemi duke pritur rezultatet e këtyre diskutimeve”, shtoi Peskov. Ai specifikoi se konsultimet vazhduan “në nivelin aktual të angazhimit”.
Më 3 dhjetor, Presidenti rus Vladimir Putin dhe i dërguari special i udhëheqësit amerikan Steve Witkoff dhe dhëndri i Trump, biznesmeni Jared Kushner përfunduan negociatat e tyre pas mesnate në Moskë. Ndihmësi i Putinit, Yury Ushakov, e përshkroi takimin si konstruktiv dhe kuptimplotë. Palët diskutuan disa opsione të një plani paqeje, përfshirë çështjen territoriale, dhe ranë dakord të mbajnë kontaktin.
