Fetai reagon për lajmet e rreme: Shpifësit do të përballen me drejtësinë

Zëvendëskryeministri për qeverisje të mirë, Arben Fetai ka reaguar ndaj lajmeve të rrejshme që po shpërndahen në rrjetet sociale.

Së fundmi po qarkullon një deklaratë në emër të tij e kinse është kundër UÇK-së.

Ai në postimin e tij demantoi shkrimet, duke thënë se ata që mendojnë se mund ta diskreditojnë me metoda të tilla udbashe, “gabohen rëndë” dhe se do të përballen me drejtësinë.
Reagimi i plotë:

“Kushdo që përdor fotografinë time dhe shpik fjalë që nuk i kam thënë me qëllim për të më dëmtuar, le ta dijë mirë se ka kaluar çdo kufi të lejueshëm. Nuk ka tolerancë për shpifësit e porositur. Do të përballen me drejtësinë, secili prej tyre. Shpifja, montazhi dhe fabrikimi i deklaratave nuk më lëkundin aspak. Përkundrazi, ato më forcojnë edhe më shumë në bindjet dhe rrugën time.”