Polemikat në Milan-Lazio/ Reagon Shoqata e Gjyqtarëve: Nuk ishte penallti, gaboi VAR-i
Pas polemikave të mëdha në Milan-Lazio, Shoqata Italiane e Gjyqtarëve publikoi qëndrimin zyrtar lidhur me episodin e prekje së topit me bërryl nga Pavloviç në minutat shtesë.
Sipas institucionit, vendimi final i arbitrit në fushë konsiderohet i saktë, ndërsa gabimi vjen nga VAR-i. Performanca e arbitrit Collu vlerësohet pozitive, ndërsa për VAR-in Di Paolo pritet një vlerësim negativ, pasi nuk duhej të thërriste arbitrin për rishikim në monitor.
Ky veprim u konsiderua si gabim procedure që mund të ndikonte në mënyrë të gabuar vendimmarrjen. AIA shton se ka edhe një pasaktësi teknike në interpretimin e episodit nga vetë Collu, i cili deklaroi se mbrojtësi i Milanit pësoi faull.
Sipas analizës, nuk kishte faull ndaj mbrojtësit dhe as penallti për Lazion. Vendimi i duhur do të kishte qenë rinisja e lojës me goditje nga këndi.
