Afrim Gashi takon përfaqësuesit e KSHZ-së: Diskutuan për bashkëpunimin dhe procesin zgjedhor

Kryetari i Kuvendit, Afrim Gashi ka njoftuar se ka realizuar takim me përfaqësuesit e Komisionit Shtetëror Zgjedhor.
“Realizova takim shumë konstruktiv me përfaqësuesit e Komisionit Shtetëror Zgjedhor, z. Boris Kondarko, kryetar i KSHZ-së, z. Abdush Demiri, nënkryetar, dhe z. Aleksandar Dashevski, anëtar i Komisionit.
Theksuam rëndësinë e bashkëpunimit të ngushtë ndërmjet Kuvendit dhe KSHZ-së në proceset që janë me interes shtetëror. Diskutuam që rifillimi i procedurës zgjedhore në katër komunat do të jetë më i sigurt pasi Komisioni Shtetëror i Zgjedhjeve të vendosë mbi ankesat e paraqitura, të cilat mund të ndikojnë në shpalljen e përfundimit të rezultateve të Zgjedhjeve Vendore të vitit 2025.
Shpreha mirënjohje për bashkëpunimin dhe u dakorduan që kjo frymë e koordinimit dhe përgjegjësisë së përbashkët të vazhdojë edhe në të ardhmen, në shërbim të qytetarëve dhe të shtetit”, ka shkruar Gashi.