Kryeparlamentari Gashi pret në takim deputeten turke Rukije Toj: Miqësia mes dy vendeve po thellohet

Kryetari i Kuvendit të Maqedonisë së Veriut, Afrim Gashi, ka pritur sot në takim deputeten e Parlamentit të Turqisë, znj. Rukije Toj. Në këtë takim, u konfirmuan marrëdhëniet e ngushta dhe miqësore ndërmjet dy vendeve, si dhe u diskutuan mënyrat e reja për thellimin e bashkëpunimit dypalësh.

Gashi theksoi rëndësinë e iniciativave që synojnë fuqizimin e rolit të gruas në shoqëri, duke theksuar se do të mbështesë çdo nismë që kontribuon në këtë drejtim.

“E sigurova znj. Toj se do të kenë gjithmonë mbështetjen time të plotë. Vlerësoj këtë vizitë konstruktive që forcon dialogun dhe partneritetin tonë të ndërsjellë,” u shpreh Gashi.

Takimi u zhvillua në frymën e bashkëpunimit dhe mirëkuptimit të ndërsjellë, duke reflektuar marrëdhëniet e qëndrueshme mes Maqedonisë së Veriut dhe Turqisë.