Në IBU inaugurohet BISTLAB, Bekim Sali: Investim në dije dhe të ardhmen e rinisë
Deputeti i VLEN-it, Bekim Sali, mori pjesë në ceremoninë e inaugurimit të BISTLAB – Laboratorit të Ekonomisë dhe Financave në Universitetin Ndërkombëtar Ballkanik (IBU) në Shkup, me ftesë të rektorit të këtij universiteti, z. Lufti Sunar.
Në këtë ngjarje, që u vlerësua si një hap i rëndësishëm për avancimin e kërkimit shkencor dhe inovacionit akademik, Sali theksoi rëndësinë që ka krijimi i hapësirave të tilla për zhvillimin profesional të studentëve.
“Ishte një nder i veçantë të jem pjesë e kësaj ngjarjeje që shënon një përparim të madh në përgatitjen e brezit të ri të ekspertëve në fushën e ekonomisë dhe financave,” – u shpreh deputeti Bekim Sali, duke përgëzuar stafin e IBU-së për përkushtimin e tyre ndaj cilësisë arsimore dhe kërkimit shkencor.
