Palestinezët e dëbuar nga Qyteti i Gazës ‘nuk kanë ku të shkojnë’

Palestinezët po detyrohen të evakuohen nga Qyteti i Gazës, por ata nuk kanë asnjë vend ku të shkojnë.

Pas meje, shumë njerëz kanë ngritur çadrat e tyre në breg, pranë rrugës bregdetare. Është një autostradë, jo një vend për të jetuar. Por nuk ka asnjë mundësi tjetër.

Në orën e fundit, një grua shtatzënë na është afruar duke u kërkuar njerëzve t’i sjellin ujë të pijshëm. Ajo tha se prej më shumë se një jave nuk kanë mundur të gjejnë asnjë pikë uji të tillë.

Nuk ka pika shpërndarjeje ushqimi. Nuk ka shërbime emergjente. Nuk ka asnjë vend për të kryer nevojat elementare.

Ata po luftojnë të gjejnë një vend ku të vendosen. Ne kemi takuar njerëz që kanë ngritur çadra mbi një vendgrumbullim mbeturinash, mbi plehra. Situata është rrëqethëse.