Kina hap linjën e parë detare që lidhet me tregjet evropiane
Provinca Fuxhian në Kinën Lindore aktivizoi linjën e parë detare të “Rrugës Polare të Mëndafshit”, e cila ka destinacion kryesor Evropën.
Një anije tregtare për transport kontejnerësh, “Istanbul Bridge”, e cila lundron nën flamurin e Liberisë, u nis nga porti i Fuzhou, në provincën kineze Fuxhian, më 21 shtator dhe pritet të mbërrijë në Evropë pas 19 ditësh përmes Rrethit Arktik.
Kjo linjë e re detare do të lidhë portet kryesore kineze, përfshirë ato të Çingdaos, Daljanit, Shangait dhe Ningbos, me porte të rëndësishme evropiane, si porti i Felixstowe në Britani, porti i Roterdamit në Holandë, porti i Hamburgut në Gjermani, si dhe porti i Gdanskut në Poloni, sipas doganave në Fuzhou.
Ky itinerar i ri detar u ofron eksportuesve të Fuxhianit dhe provincave fqinje një kanal më të shpejtë dhe më efikas për transportin detar të mallrave, si materiale ndërtimi, tekstile dhe produkte elektromekanike drejt tregjeve evropiane.
