Kina thotë se ‘kundërshton fuqishëm’ ofenzivën tokësore të Izraelit në Gaza
Kina deklaroi se “kundërshton fuqishëm” përshkallëzimin e sulmeve në Gaza, pasi Izraeli ndërmori një ofensivë të madhe tokësore në qytetin e Gazës.
“Kina kundërshton fuqishëm përshkallëzimin e operacioneve ushtarake të Izraelit në Gaza dhe dënon të gjitha aktet që dëmtojnë civilët dhe shkelin të drejtën ndërkombëtare,” tha zëdhënësi i Ministrisë së Jashtme, Lin Jian, lidhur me bombardimin masiv të qytetit të Gazës.
