185 vdekje nga uria të regjistruara në Gaza në gusht
Një total prej 185 personash në Gaza kanë vdekur “për shkak të kequshqyerjes” gjatë muajit gusht, njofton Ministria e Shëndetësisë në Gaza, duke paralajmëruar se pasojat katastrofike të urisë në enklavë po përkeqësohen.
Deklarata tha se më shumë se 70 persona, përfshirë 12 fëmijë, kanë vdekur që nga 22 gushti, kur një monitor global i urisë konfirmoi se në Gaza po ndodhte uri.
Po ashtu, u bë e ditur se 43,000 fëmijë nën moshën 5 vjeç po vuajnë nga kequshqyerja, së bashku me mbi 55,000 gra shtatzëna dhe gjidhënëse. Dy të tretat e grave shtatzëna po vuajnë nga anemia, norma më e lartë në vite, tha Ministria.
